«Адамдар көбінесе түскі тамақта алған жаман калорияларды залға барғанда «жаға аламын» деп ойлайды, әсіресе егер олар жаттығудан соң аштық сезінсе», – деп түсіндіреді Элизабет. «Бірақ, көптеген зерттеулерге сәйкес, біз, әдетте, біздің фитнеспен жаттығуларымыздың қарқындылығын жұмсалған қуат тұрғысынан артық бағалап қоямыз, бірақ сонымен қатар алынатын калориялар мөлшерін болық бағаламаймыз. Біз арасында жеген тіскебасарларды есепке алмай жатамыз: бір уыс жаңғақ, сусын, алманың жартысы – оларда да уақыт өте келе килограмға айналатын калориялар болады ғой. Бұл қарапайым математика. Арықтау үшін сен тұтынғаннан көбірек қуат жұмсау керек».
«Егер сен белсенді түрде жаттықсаң, бірақ артынан зиянды тамақ жесең немесе артық жесең, сен артық салмақтан құтыла алмайсың. Аштық сезімін ұзақ сезінбеу үшін өзек пен ақуызға бай тамақ же. Көмірсулар – зиян деген пікір жаңсақ, олар – теңдестірілген диетаның қажетті бөлігі, сондықтан сенің тамағыңның жартысын көкөністер құрауы тиіс. Ал тәтті сусындардан шынымен бас тартқан жөн”.
БҰЛШЫҚЕТТЕР МАЙҒА ҚАРСЫ
«Бұлшықет ұлпасының бір килограмының салмағы бір килограмм майдағыдай болады. Бірақ бұлшықет ұлпасы анағұрлым тығыз болатындықтан, ол сенің денеңде майға қарағанда аз орын алады. Сондықтан, егер сен көп жаттықсаң және мүсінделіп, сұңғақтана түссең де, салмағың артады. Үдерісті килограммен емес, бел мен бөксе көлемімен өлше: егер бұл көрсеткіштер азайса, бұл сенің дұрыс бағытта екеніңді көрсетеді».
Біздің денеміз 80% судан тұрады. Сондықтан біздің салмағымыз әр күні ақырын өзгеріп, оның ішінде ұлғайып та отыруы мүмкін. Артық су жинамау үшін дене жаттығуларын жасап, суды қажетті мөлшерде ішу керек (өйткені су аазйғанда ағза сұйықтықтың қорын жинап отырады), тұздан қашып, өзекке бай тамақ жеу керек.
ҚАНДАЙ ЖАТТЫҒУЛАР КӨМЕКТЕСЕДІ?
Жүгіру мен сайклинг сияқты кардиожаттығулар жаттығу жасау кезінде көбірек калория жағуға көмектеседі. Күшті жаттығулар күні бойы үздіксіз калория жұмсауға көмектеседі. Жаттығулардың бұл түрлерін араластырып отыру керек. Сонымен қатар, кейбір пайдалы әдеттер үнемі пішімді сақтап, калорияларды жай ғана үйге немесе жұмысқа барап жолда жұмсауға септігін тигізеді – лифтімен емес, сатымен көтеріл, автобустан бір-екі аялдама ертерек шық, қадам өлшегіш сатып ал – сау адам үшін норма күніне кем дегенде 10000 қадамды құрайды.
ҚОРЫТЫНДЫ
Көптеген адамдар үшін мінсіз салмаққа табанды жаттығуларға қарағанда дұрыс диета арқылы жету оңай. Бірақ егер сенің мақсатың тек арықтау ғана емес, салауатты өмір салтын ұстану болса, дұрыс тамақтану мен дене жаттығуларын біріктіру керек. Сонымен қатар өз әрекеттерің мен олардың нәтижелерін объективті бағалаған жөн: егер бір май кешкі жүгірістен кейін салмақ жиналғанын байқасаң, сен не артық жамақ жейсің, не дұрыс тамақтанбайсың деген сөз, бұл бұлшықет болуы мүмкін емес. Коланы жай суға ауыстыр, жаяу көбірек жүр, фастфудтан бас тарт – денсаулық пен сұлулыққа апаратын жол осы қарапайым, бірақ өте маңызды қадамдардан басталады.
