1. МЕНІ ТАҢДА
Хош иісті сезіну үшін дүкендерде хош иістерді себетін блоттерлер, қағаздар есіңде ме? Міне енді, олар мүлде пайдасыз. Қағазда және теріде парфюм қалай сезілетіні – әр түрлі нәрсе. Хош иісті шынайы сезіну үшін, хош иісті білегіңе немесе саусақтарыңның ұшына сеп. Неліктен дәл сол жерлерге? Бұл қан тамырлары бәрінен де жақын орналасатын тамыр соғысы нүктесі деп аталады, білек пен саусақ ұштарында температура дененің басқа бөліктеріне қарағанда аздап жоғарылау.
2. ҰЗАҒЫРАҚ ҚАЛ
Парфюм — сезімтал нәрсе. Хош иістің және эфир майлары мен спирттердің құрамына кіретін молекулалар оңай ыдырап кетуі мүмкін, соның салдарына хош иіс те жойылады. Әтір мен иіссулардың құтысын міндетті түрде күн сәулесінен, жылы және ылғал жерлерден алшақта ұста, дұрысы қараңғы салқын жерлерде сақта.
Парфюмнің сақталу уақытын не ұзартады? Біріншіден, теріні дұрыс ылғалдандыру, сондықтан душ немесе ванна қабылдағаннан кейін хош иістендіргішсіз лосьон немесе крем пайдалан. Екіншіден, хош иісті тамыр соғысы нүктелеріне сеп: білегіңе, құлағыңның артына, мойнының артқы жағына, шынтақтың ішкі жағына, тізенің артқы жағына. Сосын киінбес бұрын үш минут күт. Температура артқан кезде хош иістің айқын сезілуі күшейеді. Сен сонымен қатар хош иісті тараққа сепсең болады, осылайша оның формуласындағы спирт шашты құрғатпай ұстап тұрады.
Бастысы: парфюмді теріңе қолмен жақпа және білегіңді бір-біріне үйкеме! Олай істесең сен хош иісті бұзасың. Ол теріге толықтай сіңе отырып, өздігінен кебуі тиіс.
3. БӘРІН ДҰРЫС ЖАСА
Хош иісті киімге себу – өткен ғасыр. Олай істесең сен сүйікті жейдеңде, көйлегіңде дақ қалтыруың мүмкін немесе мүлде бүлдіріп алуың мүмкін. Сонымен бірге, хош иіс температурасы күні бойы өзгеріп отыратын терідегі тәрізді емес дөрекілеу сезілуі мүмкін. Сенің сүйікті хош иісің күні бойы өзіңмен бірге қалуы үшін, оны жиі жаңартып отыр және біздің кеңестерімізге құлақ түр!
