Хикаялар сабағы: Хош иістер туралы белгісіз 3 дерек

Хош иістер туралы бәрін білемін деп ойлайсың ба? Кеттік, тексеріп көрейік!

 1.  АЛҒАШҚЫ ХОШ ИІСТЕР ҚАЙ ЖЕРДЕ ЖАСАЛҒАН?

Хош иістердің шығу тегі туралы бірнеше теория бар, Месопотамия тұрғындары, парсылар мен египеттіктердің аты бірдей дәрежеде аталады. Б.э. дейінгі ІІ мыңжылдықта өмір сүрген Таппути (Tapputi) есімді химик-әйел алғашқы танымал «парфюмер» болып саналады

Төрт мың жылға дерлік уақыт бұрын Египетте хош иісті бүкіл жерде қолданған: діни рәсімдер үшін де, өлікті жерлеу салты үшін де.  Египет мифологиясындағы өсімдіктердің, парфюмерия мен хош иістердің құдайы болып саналған Нефертумды айта кетуге болады. Көбінесе Нефертум басына лотос гүлін таққан, таңғажайып өсімдік ұстаған жасөспірім түрінде, құнарлылық пен гүлдену белгісі ретінде бейнеленеді. Біздің уақытымызда лотос — иіссуларға арналған кең таралған ингредиенттердің бірі. Ра құдайы тұңғыш өскен лотос гүлінен пайда болып, оған жан бітірген деген аңыз бар.

Парфюмдерді құрмет тұтушылардың тағы бірі парсылар болған, олар хош иістерді саяси биліктің белгісі ретінде пайдаланған. Патшалар бейнеленген суреттерден парфюмерлік құтыларды көруге болады. Гректер мен римдіктер Парсы елін жаулап алғанша осылай жалғасқан: жаңа билік келгеннен бастап хош иістерді шығару өнер ретінде қабылдана бастаған. Бұл «тренд» бүкіл әлемді шарлап, 1190 жылы Францияға да жетеді, сөйтіп мұнда парфюмерлік өнер өнеркәсіп көлемінде дамып, қымбат бағалы бизнеске айналады.

2. ӘЛЕМДЕГІ ЕҢ АЛҒАШҚЫ ХОШ ИІС ҚАНДАЙ БОЛДЫ?

Түрлі елдерде парфюмерлік өнеркәсіптің дамуы әр түрлі жүрді. Хош иістердің көптеген типтері болды. Бірақ спирт пен майлардың негізінде парфюм жасағандардың алғашқысы венгрлер. Мұндай сыйлық XIV ғасырда Венгрияның Елизавета патшайымына жасалған болатын. Бұл парфюм венгерия суы деп аталды (Hungary Water), ал басты ноталары ретінде гүлшетен, жалбыз және жаужапырақ алынды. Аңыз бойынша оның жасартатын қасиеті бар және ол патшайымға сұлулығын сақтауға көмектескен.

3. ЕҢ ҚЫМБАТ ПАРФЮМЕРЛІК ИНГРЕДИЕНТТЕР ҚАНДАЙ?

Ең қымбат және бағалы иіссулар өсімдіктер мен гүлдерден айырып алынған нағыз майлардан, байытылған және майлы қоспалардан әзірленген. Табиғи ингредиенттер ең бағалы: ақгүл, болгар раушаны, уд, жұпар су мен айылқияқ. Әлемдегі ең қымбат ингредиент сұр амбра, қаншалықты қызық естілсе де, бұл ингредиент кашалоттардың ас қорыту жолында түзіледі. Ингредиент бағасының жоғары болуы, оны алатын табиғи көзінің жойылғандығына байланысты болады, мысалы уд майы, немесе мезгілсіз алынатын мадагаскар иланг-илангы тәрізді.

Хош иістер шығару үшін біз Oriflame-де бүкіл дүние жүзіндегі тек жоғары сапалы ингредиенттерді қолданамыз. Толығырақ білгің келе ме? Парфюмерлік саяхатқа шақырамыз!

Мәтін: Фото: Oriflame

Қазір сатып алу

;

Ұқсас мақалалар