Үй жағдайында бетке массаж жасаймыз

Ынталандырушы, лимфа-дренаждық немесе акупрессурлық массаж – бүкіл әлемде бұл бьюти-рәсімдердің танымалдылығы артып келеді. Олар не үшін қажет, қалай жасау керек және қандай нәтижелер күтуге болады – біздің арнайы мақаламыздан оқы.

БЕТТІ ЫНТАЛАНДЫРУШЫ МАССАЖ

Ол не үшін қажет?

Күңгірттенген және шаршаңқы теріге дені сау жарқырау беру үшін.

Қандай нәтижелер күтіледі?

Егер де массажды дұрыс және тұрақты түрде жасаса, онда нәтижесі сені қуантады: терінің түсі әлдеқайда тегіс, пішіні – айқынырақ, ал бетіңіз жарқырап тұратын болады. Сондықтан ынталандырушы массажды теріге жасалатын кешенді күтімге батыл түрде қоса бер!

Оны қалай жасауға болады?

Бастысы — техникасын бұлжытпай орындау. Бетіңді жылы сумен жуып, ылғал теріге тазартқыш гельдің аздаған көлемін жақ және оны жұқалап бүкіл бетіңе (көздің айналасындағы теріге тигізбей) біркелкі етіп тегісте. Содан кейін бет терісін тазартуға арналған SkinPro аппаратын алып, қондырма-қылшақты сула және сағат тілінің бағытымен бетіңе дөңгелете қозғалтып массаж жаса. Қолдану уақыты – маңдай бөлігіне 20 секунд және басқа қалған бөліктеріне (иек, бет, мұрын, жақ және т.б.) 40 секунд. Мұндай массаж бар-жоғы бір минутқа созылады, қанмен қамтамасыз етілуін ынталандыруға көмектеседі және клиникалық тұрғыда дәлелденген нәтижелерді қамтамасыз етеді: бес аптадан кейін-ақ 8 есе* артығырақ жарқырайтын тері!

*30 әйел қатысқан in vivo клиникалық зерттеулерінің нәтижелері бойынша. Зерттеу 5 аптаға созылды.

ЛИМФА-ДРЕНАЖДЫҚ МАССАЖ

Ол не үшін қажет?

Терінің ісінулерімен және созылымдылығын жоғалтуымен күресу үшін.

Қандай нәтижелер күтуге болады?

Бір сөзбен айтқанда: лимфа түйіндері инфекциялармен күресуге және организмнен зиянды заттарды шығаруға жауап береді. Адам денесінде жүзден астам лимфа түйіндері бар, оның ішінде құлақтың артында, жақ сүйектің астында, жұтқыншақ пен ұрттың арасында. Егер де лимфа-дренажды массажды дұрыс жасаса, тері тонусқа келеді, ал ісінулер мен домбығулар жойылады. Тап-таза магия!

Оны қалай жасайды?

  1. Бет пен мойын терісіндегі ластануларды жою үшін сүйікті тазартқыш құралыңды пайдалан. Содан кейін бетке арналған майды алақаныңа жағып ал да, жеңілқозғалта отырып, төменгі жағыңнан бастап жоғары қарай теріңе ысқылап жақ. Есіңде болсын, төменнен жоғары қарай жасалған қозғалыс теріңе тонус береді, төменнен жоғары қарай қозғалту – артық нәрседен арылтады. Саған екіншісі керек.
  2. Содан кейін саусақтарыңмен жеңіл қозғалта отырып мұрныңнан бастап еріндеріңнің ұшына қарай, сонымен қатар құлақтарыңның алдыңғы және артқы бөліктерінің аралығына жақ.
  3. С әрпі түрінде көздің астындағы көз сүйегінің айналасына ең кіші саусағыңмен жағып өт. Бұл техника домбығулар мен ісінулерді жоюға көмектеседі.

АКУПРЕССУРЛЫҚ МАССАЖ

Ол не үшін қажет?

Көзқарасыңа балғындық беру және көздің шаршағанын басу үшін.

Қандай нәтижелер күтуге болады?

Акупрессура немесе нүктелік массаж ежелгі қытай емдеу тәсілдеріне негізделген және күш түсуін жоюға арналған техникадан тұрады (біздің жағдайымызда – көз бұлшықеттерінің). Біз компьютерге күні бойы қарап отырғанда, ең бірінші біздің көздеріміз – көп күш жұмсайды және шаршайды, екінші кезекте – көздің айналасындағы тері зардап шегеді. Акупрессуралық массаж көз бұлшықеттеріне көп күш түсуінің, сонымен қатар мимикалық және терең әжімдердің түзілуінің алдын алуға көмектеседі.

Оны қалай жасайды?

Бет және мойын терісіндегі ластануларды жою үшін алдымен сүйікті тазартқыш құралыңды пайдалан, содан кейін сұқ саусақтарыңмен бетіңдегі нүктелерге абайлап бас. Тәртібі мынадай:

  1. Көздің ішкі бұрыштары;
  2. Қастың ішкі бұрыштары;
  3. Қас үсті доғасы;
  4. Көздің сыртқы бұрыштары;
  5. Үстіңгі қабақтың ортасынан сәл төмен;
  6. Кеңсірік.
Мәтін: Фото: Getty Images

Қазір сатып алу

Ұқсас мақалалар