Ынтаңды сақта!

Жаттығуға баруға ерінесің бе? Түсінеміз! Алайда ынтаның жоқтығы сені денсаулық пен сұлулыққа апаратын жолда тоқтатпауы тиіс. Біз саған, жағдайдан тәуелсіз мықты жігеріңді қалай сақтауға болатынын үйретеміз.

1. ШЫНАЙЫ МАҚСАТТАР ҚОЯ БІЛ

Егер де сен алдыңа қол жетпес мақсаттар қоятын болсаң, онда ол жарақат алу ғана емес, өз күшіңе деген сеніміңді жоғалту қаупін де төндіреді. Ерте ме, кеш пе сенің келешегі жоқ болып көрінген істен бас тартқың келеді. Сондықтан өз алдыңа нақты қол жеткізуге болатын мақсаттарды қой. Сен күшіңнің, төзімділігіңнің немесе техникалық шеберлігіңнің артуына қарай өзіңе түсетін салмақты да арттыра аласың. Есіңде ұста, денсаулыққа апаратын жол – бұл спринт емес, тек өмір сүру ұзақтығына тең марафон. 

2. REWARD YOURSELF ЖЕТІСТІГІ ҮШІН ӨЗІҢДІ МАРАПАТТА

Сен мақсаттарға – оның ішінде аралық мақсаттарға – қол жеткізгеннен кейін, сол сәтті атап өтуді ұмытпа. Осылайша сен үрдісті өзің үшін барынша тартымды ете аласың және ұстамыңды жоғалтпайсың. Мысалы, өзіңе дәмді смузи әзірле немесе жаттығудан кейін сүйікті сериалыңды көр. Өзіңнің жасайтын жаттығуларыңның әдетке айналуына көмектес!

3.БӘСТЕСІП КӨР

Досыңмен бәтесуге қарағанда, өзіңе берген уәдеңді бұзу оңай. Бәстесіп көр – алайда нөмір 1 ереже туралы ұмытпа және де бір жылдың ішінде бокстан әлем чемпионы болатындығыңа бәс тікпе. Сен бір жыл бойы аяғыңды шынықтыруды ұмытпайтындығыңа, немесе биылғы жылы былтырғы жылға қарағанда елу километр артық жүгіретіндігіңе, сонымен қатар жаттығуды босатқаның үшін айып салу жүйесі жақсы жұмыс істейтіндігіне бәстесуіңе болады. Әйтпесе, достар тағы не үшін қажет?


4. ӘБДЕН КӨҢІЛДЕН

Бұл салауатты өмір салтын саналы түрде таңдайтындар үшін басты кеңес. Егер де сен бірдей жаттығуларды күн сайын жасайтын болсаң, ерте ме кеш пе жалығасың, сосын саған көңілсіз болып кетеді, ал сенің бұлшықеттерің бұл жаттығуларға дағдыланып кетеді де, түсетін ауыртпалыққа жауап қайтармайтын болады. Сондықтан да өзіңнің спорттық мәзіріңді әр түрлі жаңа жаттығулармен толықтырып отыру, спорттың жаңа түрлерін жасап көру және реалистік мақсаттарға қол жеткізу маңызды.


5. ЭКРАННАН КӨЗ АЛМА

Біз әлеуметтік желілерде өте көп уақыт өткіземіз. Ал бұл уақыттарды өзіміздің денсаулығымыздың пайдасына жұмыс істеуге неге мәжбүрлемеске? Инстада, Фейсбукте немесе Вконтактеде ынталандыратын аккаунттарға жазыл, Ютьюбтан жігерлі жаттығулар кешені бар каналдарды тауып ал – мұндай «френдтермен» жаттығулардан қалғың келмей қалатындығына біз кепілдік береміз! 

Мәтін: Фото: Getty Images

Shop This Story

Ұқсас мақалалар