Далаға! Көшеге арналған 6 жаттығу

Жаз – ыңғайлы залдан үлкен әлемге шығатын уақыт! Біз саған қыс бойы пішініңді сақтап қалуға үздіксіз көмектескен әдеттегі алты жаттығуды алып, оларды далада жасайтындай етіп өзгерттік. Міне, сондағы біздің қол жеткізгеніміз мыналар

ЖҮГІРУ

Жалықтырған дағдыларыңды ұмыт та, саябаққа жол тарт. Және де ол жерде, қар ерігендіктен ғана емес. Табиғат аясында жүгіру денсаулық үшін пайдалырақ. Істің мәні – жер бетінің тегіс болмауында. Дөңестер, ылдилар мен түрлі типтегі кедергілер сенің денеңді тиімдірек жұмыс істеуге және әдетте залда жұмсайтыныңнан да көбірек калория жұмсауға мәжбүр етеді.

САЙКЛИНГ

Бетіңе соққан жел сергітіп қана қоймайды. Ол қосымша кедергі, яғни жүктеме туындатады. Сен көбірек энергия жұмсайсың, төзімдірек боласың, және нәтижесінде жайдары болып жүресің.

СТЕП-ПЛАТФОРМА

Жақын жердегі саябақтан степ-платформаға тең келетін бір нәрсе табудан оңайы жоқ. Мысалы, саған кәдімгі орындық көмектесе алады. Отырып тұру, секіріп үстіне шығу, қапталына жүрелеп отыру және алға қадам жасау – қолыңнан келетіннің бәрін жаса, және де айналаңдағы жас жапырақтардан рахатқа бөлен.

ИНТЕРВАЛДЫ ЖАТТЫҒУЛАР

Біріктірілген жүктемелердің қысқа қарқынды кезеңдері – күштік төзімділігіңді,  жылдамдығың мен күшіңді арттырудың тамаша тәсілі. Өзіңді өте қысқа уақыттың ішінде қалжырату үшін, кішігірім дөңес тауып алып, спринт-сессия өткізу жеткілікті: дөңестің төбесіне барынша тез жылдамдықпен көтеріліп, төмен қарай асықпай қадамдап түсу қажет. 30 секундтық үзілістен кейін тағы қайтала.

ҚИЫНДАТЫЛҒАН ЖАТТЫҒУЛАР

Білесің бе, жаттығу құрылғылары – әдеттегі жүктемелерді жасаудың бір ғана нұсқасы емес! Қазіргі кезде саябақтардың барлығында воркаутқа арналған алаңдар бар, ол жерден сен турниктер мен қоссырықтар таба аласың. Адамзат баласы бұлшықет үшін әзірге қатайту мен бүгіп-жазудан артық ешнәрсе ойлап тапқан жоқ.

СЕКІРТПЕ

Кардиожаттығулардың қандай көңілді екенін білген кезде, сен қатты таңырқайтын боласың!

Мәтін: Фото: Getty Images