Өзіңізге шынайы қамқор болу деген не деп ойлайсыз?
Мен үшін бұл өзіммен толықтай байланыс, өзімнің психоэмоционалды күйімді жақсы сезініп, оны тепе-теңдікте ұстай білу. Ия, өзін-өзі сүйу аздап сау эгоизмді қажет етеді, алайда кейде бұл өзімді жақсы сезінудің жалғыз жолы.
Мен өзіме қамқорлық жасаудың маңыздылығын мектепте оқып жүргенімде, 15 жасымда қиын кезеңдер болған кезде түсіндім – содан бері бұл менің өмірімнің маңызды бөлігі болды. Ол кездері мен дағдарыстарға өте эмоционалды түрде ілтипат білдіретінмін, бірақ қазір өзімді қолға алып, соққыға төзімді болуды үйрендім. Енді мен өзімнің хал-жайым үшін толық жауапкершілік алып қана қоймай, басқаларға өзінің жеке гармониясын табуға көмектесемін.
Қалай дұрыс демалу керек?
Қазіргі өмірде біздің миымыз үнемі бір нәрсемен босамай жүреді – ол үздіксіз келіп жатқан ақпараттың үлкен ағымын өңдеп отырып, шиеленістің шегіне жеткен. Оған сыртқы ынталардан үзіліс беріңіз – бұл сананың тереңдігіне үңіліп, барлық сұрақтарыңызға жауап табуға көмектеседі.
Нағыз қайта жаңартылу үшін бір апталық демалыс алып, мұхит жағасында йоганың асанасын жасау үшін әлемнің арғы бетіне ұшудың қажеті жоқ – келесі көшедегі йога орталығы да дәл осындай әсер береді. Сонымен қатар, йоганың өзі – бұл жай құрал ғана. Қарбаласты паузаға қойып, өзіңізді күйзеліс тудыратын күнделікті әбігерден шығарып тастау өте маңызды. Жақсы кітап алып, креслоға жайлы отырыңыз, орманда серуендеңіз. Тіпті бір шыны кофе алып, 10 минуттық тыныштық сізге демалуға көмектеседі және жаңа идеялар әкеледі.
Егер сіз өзіңізді толығымен қабылдасаңыз, денеңіз бен жан-дүниеңізге сүйіспеншілікпен қарасаңыз, күш-қуатқа толы болсаңыз, бұл сізге керемет күш береді және әйел, ана және бизнесвумен рөлін одан да жақсы орындауға көмектеседі. Кем дегенде аптасына бір рет қайта жаңарып, өзгерістерден ләззат алыңыз.
Жылдам қайта жаңарудың 7 идеясы
Сізде шаршау, біршама жаман көңіл-күй, шаруаларыңыздың көптігі бар – ал қайта қуаттанып алып, күннің соңына дейін керемет халде жүру үшін бар болғаны жарты-ақ сағатыңыз бар. Не істеу керек?
1. Өзіңіздің сүйікті кітабыңызды оқыңыз. Креслоға ыңғайлы отырыңыз, аяғыңызды жылымен жауып, дәмді бір нәрсе алып, жылы шай демдеп алыңыз.
2. Қосымша шамды сөндіріңіз. Шам жағып, тыныштықта отырыңыз. Тыныс алуыңызда шоғырланыңыз, шаруа мен алаңдаушылықтар жайлы ойламауға тырысыңыз. Қандай да бір жағымды нәрсені еске алыңыз, арманыңыз немесе естеліктеріңізге батыңыз.
3. Кроссовкаларды киіп алып, серуендеңіз! Таза ауадағы жарты сағат сергітіп, сананы қайта қалпына келтіруге көмектеседі. Маңайдағы кофеханадан кофе мен тәтті күлше алуға рұқсат береміз.
4. Айналаңызға қараңызшы: өз кеңістігіңізде өзіңізді жайлы сезінесіз бе? Үйіңізді жинастырыңыз, дастархан немесе перделерді ауыстыратын кез келді ме, ойланыңызшы? Жиһаз дүкендерінің сайттарын қарап шығыңыз.
5. Өзіңізге сүйікті тағамыңызды дайындаңыз, пайдалысын дайындағаныңыз жөн. Асықпай дәмінен рахат алыңыз, телефоныңызды алыста қалдырыңыз, теледидарды өшіріңіз.
6. Бетіңізге немесе шашыңызға маска жасаңыз. Маникюріңізді жаңартыңыз.
7. Армандаңыз. Қайда барғыңыз келеді? Қай жерлерді көргіңіз келеді? Мүмкін хобби бастау жайлы идея ұзақ уақыт бойы туындап жүрген шығар? Тізім жасап, көрініп тұратын жерге іліп қойыңыз: тілектер орындалуы керек!
