Салауатты өмір салты ма әлде… жалған ба?

Салауатты өмір салты төңірегінде айтылатын көптеген жалғандық бар. Шындықты қиялдан қалай ажыратуға болатынын білесің бе? Біздің тізіміміздің көмегімен өзіңді тексеріп көр!

1. ЕГЕР ДЕ СЕН КҮНІ БОЙЫ ҒИМАРАТТЫҢ ІШІНДЕ ОТЫРАТЫН БОЛСАҢ, САҒАН СПФ-ТІҢ ҚАЖЕТІ ЖОҚ

Бұл жалған! Егер де сен терезенің жанында отыратын болсаң, онда саған күннен қорғайтын құралды пайдалану қажеттігі анық. Терезеден өтіп кете алатын күн сәулесі сенің теріңді ультракүлгін сәуленің әсеріне душар етеді, бұл терінің мезгілінен бұрын қартаюына себепші болады.

2. ЖАТТЫҒУЛАР СЕНІҢ ТЕРІҢНІҢ ЖАҒДАЙЫН ЖАҚСАРТАДЫ

Бұл шындық! Жаттығулар қан айналымының жақсаруына және ағза органдарының – теріні қоса алғанда – оттегімен және нәрлендіруші заттармен жабдықталуына жағдай туғызады. Кез-келген спорт бірінші кезекте жүрек-қан тамыры жүйесін жаттықтыратындықтан, тері де уақыт өте келе тұрақты жасалған жаттығудан үлкен пайда көреді.

3. МАЙЛЫ ТАҒАМНАН АДАМ ТОЛЫСЫП КЕТЕДІ

Бұл жалған! Әрине, егер де өте көп май жесең, онда толысасың, бірақ та белокты немесе көмірсуды да көп жесең, тура солай толысасың. Сонымен қатар, майдың дұрыс мөлшері сенің ағзаңа қажет. Жаңғақ, балық және авокадо тәрізді бүтін өнімдердің құрамындағы майлар (моноқанықпаған және полиқанықпаған) саған ұзақ уақыт бойы тоқтық сезімде болуыңа көмектеседі. 

4. КҮНДЕЛІКТІ 8 СТАҚАН СУ ІШУ ҚАЖЕТ

Бұл жалған! Стақанды санаудың қажеті жоқ, өйткені әр адамның гидраттанудағы қажеттілігі әр түрлі, және судың ең көп мөлшерін біз тамақпен бірге аламыз, сондықтан суды шөлдеген кезде ішкенің жөн.

5. ҰЙҚЫНЫҢ ЖЕТІСПЕУІ АРТЫҚ САЛМАҚҚА ӘКЕЛЕДІ

Бұл шындық! Шаршаған кезіңдегі қарын ашу сезімі саған таныс па? Біз ұйқымыз келгенін сезген кезде, ағзамыз бөліп шығаратын гормондар – біздің тәбетімізді ашатын гормондар екен. Міне, сондықтан ұйқының жетіспеуі шынайы түрде артық тамақ жеуге алып келеді.

6. НАҚТЫ ЖАТТЫҒУЛАР ДЕНЕНІҢ БЕЛГІЛІ БІР БӨЛІГІНДЕГІ МАЙДЫ АЗАЙТУҒА КӨМЕКТЕСЕДІ

Бұл жалған! Егер де сен мың рет бұралып жаттығу жасасаң, онда мықты пресс бұлшықетіне қол жеткізесің, бірақ ішіңнің бір грамм да майы кетпейді. Егер де салмақ тастағың келсе, бүкіл денеңді жаттықтыруың қажет, және де оны кардиожаттығулардың – жүгіру, велоспорт немесе суға жүзу арқылы жасаған дұрыс.

7. СЕНІҢ ТҮНДЕ СІҢІРГЕН КОЛОРИЯЛАРЫҢ КҮНДІЗГІГЕ ҚАРАҒАНДА ӘЛДЕҚАЙДА ЗИЯНДЫРАҚ

Бұл жалған! Кейбір диеталарда кешкі сағат алтыдан кейін тамақтануға тыйым салады – ондай ақылды тыңдама. Сенің қашан жегенің маңызды емес, маңыздысы – сенің қанша жегенің. Бір калория – ол бір калория, ол таңертең, түн немесе күндізгі уақыт екендігіне қарамайды.

Мәтін: Фото: Getty Images