ҰЙҚЫ БАРЛЫҒЫНЫҢ БАСТАМАСЫ
Жазғы демалыстан кейін дағдыланған өмір ырғағына қайта оралу қиындау болады, алайда оны жасау өте қажет! Балаға әрбір түні тоғыз сағаттық ұйқы қажет – бұл денсаулықтың мықты болуының, көтеріңкі көңіл-күйдің және тамаша дене бітімнің қажетті шарты.
ҚАЙЫРЛЫ ТАҢ
Сен, әрине, таңғы ас – әсіресе бала организмі туралы сөз болып отырғанда, күні бойғы тамақтануыңның ең маңыздысы екендігін бірнеше мәрте естідің. Бүтіндәнекті нан, жаңа піскен жемістер, табиғи йогурт, жұмыртқа – сенің балаң белсенді болуы және жақсы оқуы үшін, оған көп энергия қажет!
ЕГЕР КҮТПЕГЕН ЖЕРДЕН ҚАРНЫҢ АШСА
Ашығу ешкімге де ұнай қоймайды, және де егер сен балаңның дұрыс тамақтанғанын қаласаң, оның кез-келген уақытта жеңіл-желпі тамақтануы үшін қажетті тағамының бар болуына қамқорлық жаса. Жолақтап тілімдей кескен балғын көкөністер, аздаған хумус, актиоксиданттарға бай смузи немесе үйде жасалған попкорн – міне сау әрі пайдалы жеңіл-желпі тамақтанудың бірнеше ұсынысы.
КІМГЕ ҮСТЕМЕ?
Бала тағамының мөлшері өсіп келе жатқан организмге қажетті барлық микроэлементтер мен витаминдерді қамтуы тиіс. Пайдалы заттардың жетіспеуін мультивитаминдердің көмегімен толықтыруға болады – олардың құрамында иммунитетке жауап беретін А, С және D витаминдері, бұлшық ет жүйесінің дұрыс жұмыс істеуі мен энергия үшін қажетті кальций мен магний, мидың жұмысы үшін Омега-3 және сүйек пен тістің саулығы үшін кальций міндетті түрде болуы тиіс. Бұл витаминдердің барлығын Wellness Kids жиынтығынан табуға болады.
КҮН ТӘРТІБІ
Жұмыс тәртібіне қайтып оралу – бір күннің жұмысы деп ойлама. Күн тәртібін дұрыс құру және оған дағдылану үшін уақыт керек. Бірінші қыркүйекке, тым болмаса екі апта қалғанда баста.
СПОРТПЕН ДОС БОЛ
Қалыпты өсу және даму үшін, балаға күніне кем дегенде бір сағаттық физикалық белсенділік қажет. Бұл не болса да бәрі бір – қимылды ойын, би, велосипедпен серуендеу, бассейнге бару болуы мүмкін. Аптасына екі рет болатын дене шынықтыру сабағы жетпеуі мүмкін, ал спортпен тұрақты түрде айналысу тірек-қозғалыс аппараттарын нығайтады, көңіл бөлуді жақсартады, көңіл-күйді көтереді және өз күшіңе деген сенімділік береді.
ТЕК ҚАНА САБЫРЛЫЛЫҚ
Егер сенің балаң бірінші қыркүйектің алдында толқып жүрген болса – онда тұрған ештеңе жоқ, әсіресе алдында жаңа мектеп пен жаңа ұжым тұрғанда. Күйзелісті басудың үздік тәсілі – баламен оның қорқынышы мен қаупі жайында сөйлесу және бұның бәріне оң көзқараспен қарауға көмектесу, мектеп дегеніміз – мұғалімдер мен сабақтар ғана емес, сонымен қатар достар, ойындар, қарым-қатынас қой. Баламен бірге дүкенге ашық түсті қойын дәптер немесе өзгеше қалам алуға барып қайт, балалар мерекесін қалай атап өтетіндеріңді, кімді қонаққа шақыратындарыңды әңгіме ет – көресің, қорқыныш қолмен сылып тастағандай жоғалады.
ӨЗІҢ ЖАЙЛЫ ҰМЫТПА
Ұзақ демалыстан кейін бірінші қыркүйек қарсаңында өзің де мазасыздана бастауың және өзіңді ыңғайсыз сезінуің мүмкін. Құрбыңа қоңырау шал, өз қорқынышың туралы онымен бөліс, мектептегі мұғалімдермен сөйлес, сүйікті ісіңмен айналысуға уақыт бөл – ішкі сезіміңнің жайлылығы үшін күресте барлық амал тамаша!
