Терінің саулығы мен әдемі шаштарға арналған 5 пайдалы жемістер мен көкөністер

Бұл өнімдерді күнделікті рационыңа енгіз және өзгерістерді бақыла.

1. ҚЫЗЫЛ ЖӘНЕ  САРЫ КӨКӨНІСТЕР

Барлық сары және қызыл көкөністер – мысалы, асқабақ, итмұрын, құрма, тәтті картоп, сәбіз, тәтті бұрыш – бета-каротинге,  каротиноидтерге (яғни негізін салушыларға), теріні қорғаушы және қалпына келтіруші қасиеттерімен танымал А витаминіне бай. Нағыз маст-хэв!

2. БАЛЫҚ ЖӘНЕ ТЕҢІЗ ӨНІМДЕРІ

Сифуттар мен балықтар  қажетті май қышқылдарына және теріге, шаш пен тырнаққа қажетті пайдалы микроэлементтерге бай. Мысалы, селен шаштарды нығайтуға және бас терісінің дені сау күйінде сақталуына көмектеседі, мыс – ақ шаштардың пайда болуының алдын алады. Ниацин, биотин және йод тері саулығының сақталуына қатысады. Аптасына балық пен теңіз өнімдерінің екі порциясынан баста, бұл салауатты бастама болады.

3. САУМАЛДЫҚ

Нағыз супер-батырлар кейл салаты, брокколи, қызылша – жасыл көкөністердің құрамында темір, бета-каротин, С витамині мол. Бұл әлемнің ең басты (әмбебап) кейіпкері – саумалдық. Салат жаса, жемістермен және көкөністермен араластыр, буға пісір немесе ыстық тағамның бетіне сал. Басты кеңес – жылумен өңдеу артық болып кетпесін – температура қаншалықты жоғары болса, саумалдықтың құрамындағы пайдалы нутриенттер соншалықты азырақ сақталып қалады. Ең дұрысы – саумалдықты шикідей жеу.

4. ЖИДЕКТЕР

Жидектердің құрамында С витаминінің мөлшері өте көп, ол коллагеннің бөлінуін, сонымен қатар полифенол антиоксидантының бөлінуін жақсартуға көмектеседі. Құлпынай, қара қарақат және қаражидек же, жидекті смузи жаса немесе десерттерді сәнде. Мұздатылған жидектерден қорықпа: мұз олардың құрамындағы барлық пайдалы заттарды сақтайды, сондықтан балғын өнімдерді сен жыл бойы жей аласың. Бастысы – жидектерді тоңазытқыштан шығарғаннан кейін бірден жеу керек.

5. ЖАҢҒАҚТАР МЕН СУПЕРФУДЫ

Кішкентай бірақ нағыз қажеттісі – грек немесе балқарағай жаңғақтары, миндаль, ши, күнбағыс, асқабақ тұқымдары тері мен шаштарға дені сау, әдемі және жарқырап тұруға көмектесу үшін жаралғандай. Өзің ойла: селен, мырыш, биотин терінің серпімділігі мен ылғалдылық деңгейін сақтап тұруға жауап береді, сонымен қатар шаштарды берік етуге көмектеседі және оларға жарқырау береді. Бір тәулікке жаңғақтардың немесе тұқымдардың қос уысы жеткілікті. 

Мәтін: Фото: Getty Images