Спорт және сен: жаттығулардың тиімділігін арттыруға арналған 8 кеңес

Сан сапаны білдірмейді. Сен үшін сегіз кеңес жаздық, олар саған спортпен сирек, бірақ тиімдірек айналысуға көмектеседі.

1. НЕ ҚАЛАЙТЫНЫҢДЫ ТҮСІН

Сенің қандай болып көрінгің келетіндігі мен ол үшін өзіңнің не істеп жүргендігіңнің арасында үлкен бір әлем бар болуы мүмкін. Өзіңнен сұра: «Мен шынымен де спортпен айналысқым келе ма? Мен не нәрсеге қол жеткізгім келеді?». Бұл сұрақтардың жауабы залға барудың нақты себебін табуға көмектеседі. Сосын абонемент сатып алудың ауылы алыс емес. 

2. МАҚСАТЫҢДЫ АЙҚЫНДА ЖӘНЕ МІНДЕТ ҚОЙ

 Жаспарсыз нәтиже жоқ. Спортзалға бару уақытты босқа жоғалту болуы мүмкін: бір жаттығу құрылғысынан екіншісіне ауысып жүрсің, түрлі тәсілдер жасайсың, бірақ ешнәрсе өзгермейді. Сен нені өзгерткің келеді? Сен қандай болып көрінгің келеді? Мақсаттарыңды негізге ала отырып, міндеттеріңді ойлан.

3. ЖАЙ ҒАНА ЖАЛҒАСТЫРА БЕР

Өмір өзі түзету енгізеді. Алайда бұл алғаш рет жаттығуды жіберіп алғаннан кейін басыңды қабырғаға ұру қажет дегенді білдірмейді. Спортқа басымдылық бер және оған қолайлы уақыт тап. Кез-келген спорт түрі болуы мүмкін, бастысы ол саған лайықты болсын. Сосын айналыса бер.

4. КЕҢЕС СҰРА

Жаттығу құрылғысында ең үлкен салмақты қою міндетті емес және үш сағаттап жүгірудің қажеті жоқ. Сонымен қатар өзіңе ұрсудың және басқалармен салыстырудың қажеті шамалы. Сен залдағы ең толық адам емессің. Ең арығы да емессің. Сен қандай барсың, сондайсың. Жаттықтырушыдан өзіңізге үйлесімді болатын жүктеме жайында айтуын сұраңыз. Тамаша нұсқа — қалай жасау және қалай жасамау керектігін басынан бастап біліп алу үшін жеке жаттығулар курсына бір немесе екі айға төлеп тастау керек. 

5. БІРНЕШЕ БҰЛШЫҚЕТКЕ АРНАЛҒАН ЖАТТЫҒУ ТАҢДА

Күрделі жаттығулардың көмегімен тиімділікті арттыруға болады. Және де күрделілер күш жинау тұрғысынан емес. Бірнеше бұлшықетті бірден жаттықтыруға мүмкіндік беретіндерін таңда, және дене бітімің қалай өзгеретінін бақыла. Жаттығу жасау арасында ұзақ үзіліс жасама. Хаттарға немесе хабарламаларға жауап беру туралы мүлде ешнәрсе айтпаймыз. Әуе режиміне қойып қой.

6. ЖӘНЕ АРАЛАСТЫР

Уақыт өте келе дене өзіне түсетін күшке және жаттығуларға үйреніп кетеді, және тиімділік төмендей бастайды. Оған жол бермес үшін, алуан түрлілікті енгіз: жаттығулардың түрін араластыр, тәсілдері мен жұмыс күшін арттыр. Өзіңе қарсы күрес!

7. ТЫНЫҒЫП АЛ

Біз пайдалы дағдылар мен тұрақты жаттығуларды жақтаймыз. Алайда өте көп спорт зиян. Жаттығулар арасындағы үзіліс бір тәуліктен артық болмауы тиіс. Жаттығулар арасындағы мінсіз үзіліс – күшті өсіру үшін 3 минут және бұлшықетті өсіру үшін 1 минут. Созылу, суға жүзу немесе йога туралы ұмытпа және ұйқы жеткілікті болсын. Күшіңді дұрыс жұмсай білу мен дұрыс тыныға білудің арқасында сенің жаттығуларың әлдеқайда тиімдірек болады.

8. ӨЗІҢЕ ҚЫСЫМ ЖАСАМА

Жұмыстағы күйзеліс, күшіңді жоғалту немесе көңіл-күйдің жоқтығы – ауыр күндер біздің әрқайсымыздың басымызда болады. Өзіңді шынымен де жайсыз сезініп тұрсың ба? Жаттығуды басқа күнге ауыстыр. Асанда ұзақ отыра алмайсың ба? Қанша тұра аласың, сонша тұр, ерлік көрсетудің қажет жоқ. Жүгірген кезде қатты терлейсің немесе қатты тыныс аласың ба? Жақсы дезодорант пайдалан, жеңі жоқ майка ки және залда сүлгіні жиі пайдалан. Бір сөзбен айтқанда, перфекционизмді болдырма. Сәттілік тілейміз!

Мәтін: Фото: Getty Images