Аязға қарамастан, келбетіңді жоғалтпа!

Қыс бойы жүгіру жолдарында бірнеше километрге жүгіру қажытты ма? Бұл жаттығуды тоқтатуға себеп бола алмайды! Денені күш-қуатында ұстап тұрудың және жалықпаудың жеті жаңа тәсілін ұсынамыз.

1. ФИТНЕС-БАЛЕТ 

Егер де сен бала кезіңнен балет примасы қозғалысының ерекше әсемдігіне қызыққан болсаң, жаттығудың осы таңғажайып нәзік түрін жасап көретін кез келді.  Фитнес-балет, немесе боди-балет, немесе балет-барреоны тіптен, тағы да қалай атайдыбұл иілгіштік жаттығулары мен бұлшық еттің күшін арттырудың және балеттің икемделген па биінің үйлесімі. Ешқандай да штанг, гір немесе гантель қажет емес: жаттығу кезінде өз денеңнің салмағы ғана пайдаланылады. Нәтижесінде – тамаша мүсін, иілгіштік, буындардың қозғалғыштығы, сонымен қатар тамаша бұлшық ет тонусы. 


2. ЖАУЫНГЕРЛІК ӨНЕР 

Қиратушы воркаут іздеп жүрсің бе? Онда жауынгерлік өнер залына тура тарт. Таңдау орасан зор: нақты төбелесті қалайсың ба – боксқа немесе каратэге бар, жанаспайтын фитнесті ұнатасың ба - фит-файт немесе кикбоксинг-аэробика тобына қосыл. Сен нені таңдасаң да, жауынгерлік өнермен айналысу жүйке жүйесін тұрақтандыру мен өзіңе сенімді болудың тамаша тәсілі ғана емес, сонымен бірге күш пен кардиожаттығудың үздік үйлесімі. 


3. КЕДЕРГІНІ ЖЕҢУ

Жо жоқ, ешқандай да шатырдан секіру емес. Кедергіні жеңудің заманауи нұсқасы – бұл жарақталған залда, қауіпсіз кедергілермен жаттығу, оларды меңгеру, қиылысқан қала көшелерімен жүгіруге қарағанда, әлдеқайда көбірек ептілікті талап етеді. Бұл жерде сенің епті, күшті және қозғалмалы болуыңа нақты мүмкіндіктер бар.


4. КӨБІКТІ РОЛИКПЕН ЖАТТЫҒУ 

Целлюлит барлық адамдарда бар. Алайда бұл, осы деректі селсоқ қабылдау және денені күш-қуатында ұстап тұрудың қажетсіздігін білдірмейді. Оған қоса, бұл үшін қарапайым және ыңғайлы тамаша тәсіл бар, ол үшін саған екі нәрсе қажет: көбікті ролик және ғаламторға қосылған компьютер. Ютубтан нұсқаулықты ізде – оның ғаламторда көптеген нұсқаулықтары бар – сосын өз үйіңде отырып-ақ рахаттана жаттыға бер. Бұл тәсіл, сонымен қатар бұлшық етке артық күш түсуін жоюға және олардың иілгіштігін қайтаруға көмектеседі.

5. ТОПТЫҚ ЖҮГІРУ 

Бокс та, балет те қызықтырмайды ма? Жүгіруді ұнатасың, алайда жалықтыратын істерден аздап шаршадың ба және де бұл тұрғыда аздап жаңалық енгізгің келе ме? Топтық жаттығуды көр – ол сенің өзің жалғыз жасайтын жаттығуыңды қарым-қатынаспен толықтырады және жаттығуға, жаңа белестерді бағындыруға қосымша ынта береді. Топтық жүгірумен тек саябақта немесе стадионда ғана айналысу қажет еместігі есіңде болсын: пікірлестер тобы жергілікті фитнес орталығындағы ескірген жолдарды ортақ қызығушылықтар бойынша толыққанды әлеуметтік клубқа айналдыра алады!


6. ӘУЕДЕГІ ЙОГА

Егер сен әрқашан да, ауада қорқынышсыз қалықтау үшін акробатика техникасын меңгеруді армандаған болсаң, онда осында кел. Әуедегі немесе гравитацияға қарсы йога, оны гамакадағы йога деп те атайды, йога, пилатес және акробатика техникаларының үйлесімі болып табылады, ал бұл пәндерден негізгі айырмашылығы, сен жаттығу кезінде ауада қалқып тұрғандай боласың. Таңғаларлықтай көңілді және өте пайдалы. 


7. ҚҰЗҒА ӨРМЕЛЕУ

Адреналин ұнай ма? Тік қабырғаларды бағындыр және жергілікті құзға өрмелеу орындарындағы тіп-тік жарқабақтарда тәуекелге бел байла, ондайлар сенің қалаңда жеткілікті екендігіне, біз сенімдіміз! Кезекті құз басына шыққан кездегі сенің сезіміңді ешнәрсемен салыстыра алмайсың, ал жаттығудың әсері айқын көрінеді: мықты бұлшық еттер, өзіңді тепе-теңдікте ұстай білу сезімі және өз күшіңе деген сенімділік. Ең бастысы: денсаулығың мен өміріңе ешқандай қауіп төнбейді. Байқап көруге тұрарлық!






Мәтін: Фото: Martin Petersson, Getty Images

Shop My Story

Ұқсас мақалалар