Сіздің асқазаныңыз тәулігіне 24 сағат жұмыс істейді: яғни, ол тоқтамай тамақ қорытып, ағзаға қажет қоректік заттарды сіңіреді де қажетсізін шығарып отырады. Оның жұмысы осымен біте қойса жақсы ғой. Иммундық жасушалардың ең кемі 70% -ы асқазанның бетінде орналасқан, ал ол сізді патогендік микроғзалардын қорғайтын алдыңғы шепті құрайды.
Асқазан денсаулығының маңызды факторларының бірі – микробиоманың жағдайы, микроағзалардың жақсы және жаман экожүйесі. Назарларыңызға микробиомды тепе-теңдеуде ұстауға көмектесетін төрт қарапайым қадам ұсынамыз.
1. Жасұнықты жиі жеп тұрыңыздар
Шыны керек, көбіміз жасұнықты жекілікті мөлшерде ала-алмай жатамыз. Негізі ұсынылатын мөлшер көп те емес - тәулігіне 30 грамм ғана, бірақ біз тамақпен оның небары 23 грамын ғана тұтынамыз. Жасұнық – ағзаға пайдалы микроағзаларды бірқалыпта ұстап азық, асқазанның микрофлорасын жақсартады және ас қорытуға жағдай жасайды.
Лайфхак: күнделікті тез дайындалатын немесе жартылай дайын тамақтарды мейлінше аз тұтыныңыз. Оның орнына ағзаға керекті талшықтарға бай көкөністер мен жемістер және тұтасдәнді нан мен жарма жеуді ұсынамыз.
2. Суды көбірек ішіңіздер
Судың ағзада жеткілікті мөлшерде болуы денсаулық үшін аса маңызды. Себебі су жетіспесе, іш жиі қатып қалады, желденеді және өзіңізді жайсыз сезінесіз.
Лайфхак: күніне 8-10 стакан су ішуге тырысыңыз. Диетаңызға қосымша калория қосатын қантты сусындардан аулақ болыңыз. Құрамында суы көп йогурт, қарбыз, қауын, сорпа сияқты тамақтарды көбірек ішу керек.
3. Ферменттелген тағам жеңіздер
Біз бірінші тармақта қарастырған жасұнық ағзадағы пайдалы бактерияларға да азық болады. Ал, олардың санын көбейту үшін прибиотиктері бар ашытылған тағамдарды пайдаланыңыздар. Мысалы йогурт, айран, кимчи, комбуча секілді.
Лайфхак: Түрлі тағамдардың пробиотиктері де әр түрлі болады. Сондықтан микробиоманың өзгергіштігін арттыру үшін мүмкіндігінше әр түрлі тамақтаныңыздар.
4. Белсендірек болыңыздар
Спорттың кез-келген түрі асқазан-ішек қимылын жақсартады. Аэробты жаттығулар қан айналымын жақсарту арқылы, іш-құрылыстың жұмысына күшейтеді. Ал созылу мен йога іш құрылысына жаттығу секілді әсер етеді.
Лайфхак: Сіз тіпті спортты ұнатпасаңыз да, оның орнына күнделікті өмірге қарапайым қимылдарды қосуыңызға болады. Мысалы: лифтіге мінбеңіз, автобустан бір аялдама ертерек түсіп, барар жеріңізге дейін жаяу жетіңіз. Егер сіз жұмысыңызда аз қозғалатын болсаңыз, онда сағат сайын жеңіл жаттығулар жасап тұрыңыз.
