№1 МИФ: ТЕК АШЫҒУ ДИЕТАЛАРЫ ҒАНА ӘСЕР ЕТЕДІ
Зерттеулер краш-диеталардың ешқашан ұзақ мерзімді болашақта жұмыс жасамайтындығын және осылайша бірнеше килограмм салмақ түсіргендер оны бір жыл ішінде қайтып жинап алатындығын көрсетті. Бірақ мұндай аса қатаң диеталардың ең басты мәселесі маңызды ингредиенттердің жетіспеуі салдарынан сенің метаболизіміңе зақым келтіруі мүмкіндігінде. Содан соң сен өзіңді шаршаңқы сезініп, оның орнын майлы немесе тәтті тағаммен толықтырғыңыз келеді, осылайша осыған дейін жасаған әрекеттеріңнің барлығын зая кетіресің.
№2 МИФ: ЕГЕР КӨКӨНІСТЕР МЕН ЖЕМІСТЕРДІ КӨП ЖЕСЕҢ, МІНДЕТТІ ТҮРДЕ АРЫҚТАЙСЫҢ
Егер пайдалы тағаммен пайдасыз тағамның орнын толтыратын болсаң, сен артық калориядан арыла алмайсың. Сондықтан, егер жемістердің күшін сезінгің келсе, оларды басқа тағамдармен бірге емес, оның орнына же.
№3 МИФ: САЛМАҚТАН АРЫЛУ - ТҰРАҚТЫ НӘТИЖЕ
Сенің салмағың күн өткен сайын өзгере береді: ол кейде азайып, кейде керісінше ұлғайып кетіп жатады. Осыған бола қобалжыма. Ас қорытудағы немесе су балансындағы кідірістер салмақтың ауытқуына алып келуі мүмкін. Жалпы трендті қадағалап отыру аса маңызды: егер ол төмен қарай түссе, сен барлығын дұрыс жасадың.
№4 МИФ: АРЫҚТАУ ҮШІН КӨП СУ ІШУ ҚАЖЕТ
Су ағзаның саулығы үшін қажет, ол арықтауға септігін тигізбейді. Дегенмен қатты ашыққан кезде осындай жағымсыз сезімнен арылу үшін бірнеше жұтым су ішу жеткілікті.
№5 МИФ: ТЕК ТЫНБАЙ ЖАТТЫҒУ ЖАСАУ НӘТИЖЕСІНДЕ ҒАНА АРЫҚТАУҒА БОЛАДЫ
Егер жүйелі түрде жаттығулар жасауға бекінсең, мұны қуана мақұлдауға болады, бірақ ұмытпа: сенің ағзаң бір түн үшінде кросс-фиттің радикалды жүктемелеріне дағдылана алмайды. Артық салмақтан дұрыс арылу үшін жүктемені ақырындап ұлғайту қажет.
№6 МИФ: ФАСТФУД ЖЕСЕҢ, СЕМІРЕСІҢ
Жылдам тамақтануға арналған мейрамханалардың мәзірлерінде СӨС ұстанатындардың өзі жей алатын бір-екі тағам әрқашан болады: мысалы, көкөністерден дайындалған салат. Егер фастфуд жеуден басқа шара болмаған жағдайда, дәл осындай тағамды таңдауға тырыс. Бұл қосарланған гамбургерге қарағанда айтарлықтай дұрыс жол болары анық.
№7 МИФ: КӨМІРСУЛАРДАН СЕМІРЕДІ
Тек ақ күріш, ақ паста, түрлі жүрек жалғау мен тәтілер сияқты тазартылған көмірсулардан ғана салмақ қосады. Негізі көмірсулар - диетаның қажетті бөлігі, бүтін дәнді нан немесе қоңыр күріш сияқты өнімдер сенің ағзаң үшін аса пайдалы. Балансталған диета аясында көмірсулардың дұрыс мөлшерін тұтыну салмақтың артуына алып келмейді.
№8 МИФ: КАЛОРИЯЛАРДЫҢ БАРЛЫҒЫ БІРДЕЙ
Калориялардың барлығы олар біздің ағзаға арналған отын секілді деген тұрғыда ғана бірдей болады, бірақ калория көзі айтарлықтай өзге болуы мүмкін, мұнда мәселенің негізін түсіну қажет. Біз протеинді коктейл құрамындағы 200 ккал-ның печенье құрамындағы 200 ккал-ға қарағанда айтарлықтай пайдалы екендігін айтқымыз келеді, нені меңзегеніміз келгенін түсінген шығарсыз?
№9 МИФ: КЕЗ КЕЛГЕН ТАҒАМДЫҚ ҚОСПАЛАРДЫ ТҰТЫНБАҒАН ЖӨН
Вэлнес-коктейлдер, батончиктер және сорпалар ашығу сезімін тиімді жояды және энергиямен қамтамасыз етеді. Тағамдық қоспалардың негізгі маңыздылығы осыда: олар сенің ағзаңды қажетті нәрлі заттармен қамтиды, осылайша калорияның бір күндік нормасында қалуға мүмкіндік береді. Оның үстіне олар тоқтық әсерін ұзаққа созады.
№10 МИФ: МЕН ЖӘНЕ МЕНІҢ ЖІГІТІМ БІР ДИЕТАНЫ ҰСТАНА АЛАМЫЗ
Генетикалық тұрғыдан ер адамдар олардың ағзасындағы бұлшықет массасы мен май балансы әйел адамдардыкінен өзгеше болатындай етіп жасалған - ер адамдардың бұлшықеті көп, ал майы пайыздық қатынаста аз. Осы себепті ер адамдар әйел адамдарға қарағанда тағамды көп жейді, сондықтан екеуіңізге бір диетаның сай келуі екіталай
