Хош иіс және тағдыр: Софи Лаббемен әңгімелесеміз

Орифлэйм MyDestiny жаңа хош иісі – парфюмерияның мойындалған шебері Софи Лаббенің соңғы туындысы. Біз оның шектен тыс өмірге деген сүйіспеншілігінен қуат алу және хош иістер мен тағдырдың жасырын сырлары туралы әңгімелесу үшін Софимен кездестік.

Танымал парфюмерлердің арасында әкесінің және атасының ісін жалғастырып келе жатқандар көп, алайда сіз бұл тұрғыда олардың қатарынан емессіз. Сізді хош иістер индустриясына не алып келді?

Мені қашанда иістер баурап алатын, бірақ олардың менің өмірімдегі айналысатын басты ісіме айналатынын бірден түсінген жоқпын. Барлығы мен университетте оқып жүрген кезде өзгерді, сосын химия курсы барысында мен ISIPCA парфюмерлік мектебі туралы мақала оқыдым. Мен дәл соған түскім келетінін түсіндім. Бірақ, құжаттарды өткізбестен бұрын, хош иістерді туындата отырып, күн көруге қаражат табудың қалай екендігін білу үшін, көзі тірі парфюмермен кездесуге шешім қабылдадым. Маған нағыз шебер, Жан Керлоның өзімен танысудың сәті түсті. Кейіннен ол ISIPCA-ға қабылдау комиссиясының төрағасы болды, бұл жерде, сөзсіз, тағдырдың бір белгісі болды.

 

Дәл сол кезде сіз, хош иістер – сіздің таңдауыңыз екенін түсіндіңіз бе?

Мен бұны бірден түсінген жоқпын, алайда бәрі солай болып жатты. Біздің әрқайсымыздың өмірде өз жолымыз бен қол жеткізуіміз қажет мақсаттарымыз бар екендігіне мен сенемін.

Сіздің жұмысыңызға университетте химия оқығандығыңыз әсерін тигізді ме? Сіз үшін иіс дегеніміз не – қатаң ғылыми талдаудың нысаны ма немесе субъективті сезімдер мен эмоциялардың бейнесі ме?

Екеуі де. Парфюмер өте қызыққыш адам болуы тиіс, үнемі жаңа тәжірибе алуға ұмтылуы тиіс, өйткені бұл қиялды дамытады және шығармашылық үшін ынта-жігер береді. Алайда, сонымен қатар жақсы парфюмерге оңтайлы ғылыми тұрғыда қадам жасамау мүмкін емес.


Сіз, иістерді қарапайым адамдар сияқты емес, сәл басқарақ сезінесіз бе?

Барлық адамдарда иіс сезу механизмі шамамен бірдей деп ойлаймын – біздің сезу органдарымызға эмоциялар мен бұдан бұрынғы тәжірибеміз әсер етеді. Мүмкін, мен көпшілік адамдарға қарағанда иісті көбірек түсінетін шығармын. Мен үшін бұл тек ойын сияқты: мен көшеде қасымнан өткендер қандай парфюм қолданатынын табуға тырысамын, ал басқа елге ұшып келгенде, менің ең бірінші алатын әсерім әрқашан да дәл осы иіс болып табылады.

My Destiny хош иісінде турмалин жартылай асыл тасы қолданылады. Бұл не үшін жасалған?

Бұл айрықша тас, оның бойында жағымды энергия заряды бар, адамға өзіне деген сенімділік ұялатады және шығармашылық мүмкіншіліктерін оятады. Мен бағалы тастары бар әшекейлер тағу хош иіс себумен бірдей деп санаймын: екеуі де саған күш береді. Ал My Destiny хош иісіндегі сияқты екеуі бір-бірімен үйлескен кезде, ол күш екі еселенеді!

Сөз өзіңізге деген сенімділік пен өмірге деген сүйіспеншілікті қайдан жинайсыз?

Махаббаттан. Мен сүйген және сүйікті болған кезде, менің тау қопаруға мүмкіншілігім бар. Және де, әрине, жетістікке қол жеткізу үшін өз ісіме бар ынтамен беріле кіріскен болуым қажет.

My Destiny хош иісіне қандай ноталар кіреді? Неге сіздің таңдауыңыз дәл соларға түсті?

Біз әйелдерді жағымды энергиямен толықтырып тұратын хош иісті шығарғымыз келді, сондықтан олар грейпфрут пен қаражидектің шымырланған ноталарынан басталады. Жүректе сыпайылық сыйлайтын таушымылдықтың нотасы ойнайды, хош иіске флердоранж күш береді, ал соңында қалған ізінен тереңдік пен құпиялылыққа жауап беретін пачулиді сезінуге болады.

Жұмыс аяқталған кезде сіз нені сезіндіңіз?

Мен мақтаныш пен бақытты сезіндім. Мен My Destinу-ді өзімнің сәттілігім деп санаймын, және осы жұмыста Орифлэйм компаниясымен бірлесе жұмыс жасағаныма айрықша сүйсінемін.

 





Мәтін: