Аксессуарлар дизайнерімен сұхбат

Таныс болыңыздар, Катрин Ромейр. Ол каталогтың беттерінен және сайттан көре алатын жаздық экзотикалық аксессуарлар топтамасын ойлап тапқан

НЕЛІКТЕН ТІГІН ТІГУДІ ТАҢДАДЫҢЫЗ? НЕЛІКТЕН КИІМ НЕМЕСЕ АЯҚ КИІМ ЕМЕС, ДӘЛ ОСЫ СӘНДІ АКСЕССУАРЛАР?

Мен тігін тігумен бала кезімнен айналыстым. Анамның киімдері тұратын шкаф мен үшін қазынаға толы сандықпен тең болатын: 60-70 жылдардағы ең сәнді көйлектер, костюмдер, белдемшелер мен жейделер. Менде тіптен анамның бір-екі киімін алып, өзіме шақтап қайта тігіп алу туралы құпия ой да болатын. Осындай жолмен мен де керемет болып көрінетіндей болып тұратын, ха-ха! Сатуға арналған киімдер тіге бастағанда, толық бейнемді ашу үшін бір нәрсе жетіспейтіндігін түсіндім. Бұл жетіспейтін бөлігі аксессуарлар екен. Дәл солар оқиғаны ашып тұрады.

ИДЕЯЛАРДЫҢ ТУЫНДАУЫНА НЕ КӨМЕКТЕСЕДІ?

Қаланың сыртына шыққанды ұнатамын! Тыныштықты сезініп, күйзелістер мен қорқыныштардан арылу үшін алыс жақтарға кетіп қалу керек. Ондай саяхаттар мен үшін медитациямен бірдей. Бірқатар уақыт өткеннен кейін мен ерекше сезімге бөленемін, идеялар бірінен кейін бірі келе бастайды, жасағым, жаңа дүниелер шығарғым келіп кетеді.

Мен Стокгольмде тудым, сонда өстім, 20 жасымда Қытайға барып, онда 8 жылдай тұрдым. Мен тіл үйрендім, мәдениетімен таныстым, сосын бір кездері бұл жеткіліксіз екендігін түсіндім. Мен енді тек Швецияда ғана өмір сүргім келеді. Менің үйім де, жаным да осында. Сондықтан шабыт алудың ең сүйікті тәсілі – қаланың сыртына, кішігірім швед деревнясына бару.

Сонымен бірге мен минималистік стильде жұмыс істейтін дизайнерлердің жұмысын бақылап отырамын. «Мұхит пен тропиктер» экзотикалық топтамасына принт жасау үшін мен абстракция мен қала шамшырақтарын негіз етіп алдым. Швед табиғаты минималисті, менің ойымша оны экзотикалық принттер мен ашық түсті бояулардың көмегімен толықтыруға болады. 

ORIFLAME КОМПАНИЯСЫ ҮШІН АКСЕССУАРЛАР ТОПТАМАСЫН ӘЗІРЛЕУ ЖҰМЫСЫ – БҰЛ ҚАНДАЙ?

Тамаша! Осындай талантты адамдармен бір топта жұмыс істеу соншалықты керемет. Біз бір-бірімізді айтпай-ақ түсінеміз, олар менің идеяларымның формаға айналуына көмектеседі. Өзімнің жұмысымды каталогтан, сайттан және конференцияда алғаш көргенде қандай сезімде болғанымды сипаттап жеткізе алмаймын. Мақтаныш, қуаныш және қанағаттанушылық. Тамаша қызығарлық оқиға! Мен бір кездері Oriflame-мен ынтымақтастықта сөмке жасадым, ол сөмкеге топтаманың авторы ретінде менің есімім жазылды. Әрі қарай не болды? Мен фейсбукте Латын Америкасының кеңесшілерінен достыққа қосуларын өтінген көптеген сұраным алдым, сонымен қатар достарым мен таныстарымнан да бірнеше хабарламалар келді. Мен ұялшақ адаммын, кейде артық назар аударылғанына әзер шыдайтын кездерім болады. Сондықтан мұндай әсерді мен күтпеген едім!

СІЗ ҮШІН БӘРІНЕН ДЕ МАҢЫЗДЫСЫ НЕ?

Өзіме адал болу, ақкөңіл және достарыма сыйластықпен қарым-қатынас жасау. Табиғат және тұрақты даму. Олар бір-бірімен байланысты деп ойлаймын. Мен үшін қоршаған ортаға қамқорлық жасау – бұл тренд емес. Мен өз өмірімді дәл солай сүргім келеді. Мен Oriflame-мен ынтымақтастығымды өте жақсы бағалаймын, бұл компания «бір реттік» фэшн-бизнеске ұқсамайды. Мен топтамалар мен өнімдерді ойлап шығарғанда, олар бір айға ғана емес, бірнеше маусымға арналады. Неліктен бұл маңызды? Сатып алушыларға енді басқасын сатып алу үшін жалықтырған заттарды лақтырып тастаудың қажеті жоқ. Бюджетті үнемдеу, табиғатты сақтау – бұл маңызды. Тұрақты даму қағидасы бойынша әзірленген тағы да бір аксессуарлар топтамасымен қуана жұмыс істеймін. Oriflame — бүкіл әлем білетін және құрметтейтін швед компаниясы. Менің жұмысым әлемді жақсарта алатынын мен сеземін.

ЖАЗҒЫ АКСЕССУАРЛАР ТОПТАМАСЫ ТУРАЛЫ АЙТЫП БЕРІҢІЗШІ. ЕҢ ЖАҚСЫ КӨРЕТІН ЗАТТАРЫҢЫЗ ҚАЙСЫ?  

Біріншіден, көкшіл-сарғыш принтті орамалдар жиынтығы. Олардың әрқайсысын көптеген тәсілмен тағуға болады: топик, белдемше, көйлек, белбеу ретінде, сөмкеге немесе тюрбанға. Қол сөмкеңде көп орын ала қоймайтын тамаша жаздық аксессуар.  

Екіншіден, косметика заттарын салатын кішігірім сөмкесі бар тесіктері бар сөмке. Оны өзіңмен бірге жағажайға да, кеңсеге де алып баруыңа болады: ыңғайлы көлем мен әмбебап дизайны үйлесімді!

Үшіншіден, әшекейлер! Маған әмбебап шешімдер ұнайды. Іскерлік кездесу ма? Кез-келген жиынтықпен үйлесетін нақышты бізшелерді тақ. Көңілді кешке барасыз ба? Бізшелерге жапырақ-салпыншақтарды іл, білезікпен немесе сары түсті металдан әзірленген белдігі бар сөмкемен толықтыр. Көбірек айқындылықты қалайсың ба? Түрлі-түсті кристаллдары бар салпыншақ қос.

Мәтін: Фото: Фрида Саттерберг