Тек сүйіспеншілікпен
Біз рухтанып алып, үйді толықтай тазалап бастағанда, біз көбінесе заттардан қалай құтылуды емес, оларды қалай тазалап, бір жерге тығып қоюды ойлаймыз. Мұның сыры – пайдаланылмайтын затты сақтаудың қажеті жоқ. Егер бірдеңе сізге әлдеқашаннан бері қуаныш әкелмейтін болса және сіз бұл зат туралы тазалау кезінде кездейсоқ көріп қалғанда ғана еске алсаңыз, онда оның сататын, біреуге беріп жіберетін немесе тастайтын уақыты келді.
Аз зат – аз жұмыс
Сізде флакондар, кітаптар, құмыралар, дәптерлер, киім және басқа да заттар неғұрлым көп болса, оларға соғұрлым көбірек күтім қажет. Тазалау кезінде заттарға критикалық тұрғыдан қараңыз. Егер сіз бұл кітапты 5 жылдан бері оқып бастай алмай жүрсеңіз, ал бұл юбканы университет кезінен бері кимеген болсаңыз, оларға жаңа иелерін табудың уақыты келді. Сонымен қатар, сізде неғұрлым аз зат болса, көшетін жағдайда соғұрлым оңай болады.
Өз үйім – өлең төсегім
Үйге даладан кіргенде, сізді тап-таза пәтер қарсы алса – сіз бірден дем ала бастайсыз. Егер шашылып жатса, зейініңіз сейіліп, тыныға алмай, үй жинауға уақытты қалай табатындығыңыз туралы ойлана бастайсыз. Үйіңіз күш жинайтын орынға айналу үшін, оны таза ұстаңыз. Бұл үшін бір қарапайым ереже көмектеседі – әр нәрсенің өз орны болуы керек.
Фика сізге!
Жаз мезгілі – достарыңызбен қалағаныңызша жиі фикалар (швед тіліндегі кофе-брейк) ұйымдастырып отыруға себеп. Кәдімгі пикник пен кәуаптан айырмашылығы: фика ұзаққа созылмайды, ешкім дастархан жаймайды, тамақ сатып алынбайды, өз қолымызбен дайындаймыз. Бутерброд дайындап алып, термосқа кофе құйып алып, саябақта достарыңызбен бір сағатқа кездессеңіз жеткілікті.
Планетаға қамқорлық
Минимализм дегеніміз дүкенде зат сатып алмас бұрын өзіңізден: «Бұл зат маған шынымен керек пе?» – деп сұрау. Әрбір тауар – бұл оны жасауға жұмсалған су, материалдар, электр энергиясы және адам ресурстары ғой. Егер сіз сұранысты азайтсаңыз, ұсыныс та азаяды. Қайта өңделген материалдардан көп функционалды заттар мен аксессуарлар шығаратын брендтерге назар аударыңыз (олардың ішінде Орифлэйм).
Бітпейтін үй шаруасынан шаршадыңыз ба? Ешнәрсеге уақыт жоқ па? Үнемі күйзелісте жүресіз бе? Үйде дем алатын ауа жоқ сияқты ма?
Егер сіз тізімдегі кем дегенде екі сұраққа «иә» деп жауап берсеңіз, бір ай бойы біздің ұсыныстарды орындауға тырысыңыз. Біз қарапайым тапсырмалардан күрделі тапсырмаларға көшеміз, бірақ сіз күніне кез-келген тапсырманы өзіңізге ыңғайлы тәртіппен орындай аласыз.
1. Телефоныңыздан ескі фотосуреттерді, хабарламалар мен қосымшаларды жойып тастаңыз
2. Тоңазытқыштағы бұзылған немесе мұздатқыштың арғы бұрышында ұзақ уақыт бойы жатқандарды лақтырып тастаңыз.
3. Үй әшәнде ескі дәптерлерді, газет-журналдарды жинап, макулатураға тапсырыңыз
4. Компьютердің, планшеттің және телефонның жұмыс үстелін тазалаңыз
5. Тұрмыстық техниканың нұсқаулықтарын, ескі кепілдік талондары мен түбіртектерді лақтырып тастаңыз
6. Іш киімдерді, нәскилер мен шұлықтарды бөлшектеңіз – кимейтін заттарыңызды тастаңыз
7. Төсектерді тексеріңіз – өңі шыққандарды тастаңыз
8. Ас үйдегі барлық азық-түлік пен дәмдеуіштерді талдаңыз.
9. Бүгін онлайн немесе кәдімгі дүкен болмасын – ештеңе сатып алмаңыз.
10. Дискілерді, таспаларды, DVD дискілерді және басқа да ескі тасымалдағыштарды бөлшектеңіз. Сізге олар 2019 жылы қажет пе?
11. Кітаптар мен кітап сөрелерімен айналысыңыз, ешқашан оқымайтындарын таратып тастаңыз.
12. Үйдің айналасындағы барлық ұсақ-түйектерді, түймелерді, кішкентай ойыншықтарды жинап, оларға орын табыңыз.
13. Жарамдылық мерзімі өтіп кеткен немесе сізге сәйкес келмеген барлық косметиканы тастаңыз.
14. Сынған және жөнделмейтін барлық заттарды тауып, тастаңыз: қаламдар, қайшылар, ас үй заттары, құралдар
15. Жаңа жылдық шырша ойыншықтар мен үй декорына арналған басқа заттарды талдаңыз.
16. Сізге үйдегі химиялық заттардың барлығы қажет пе, соны тексеріңіз
17. Өзіңіз пайдаланбайтын иіссуларды таратыңыз немесе сатып жіберіңіз
18. Ыдыстарды бөлшектеп, эстетикалық ләззат әкелетіндерін ғана қалдырыңыз.
19. Баяғы хоббиіңіздің үшін бұдан былай қолданбайтын нәрселерден арылыңыз.
20. Ешкім қолданбайтын ескі жаттықтырғыш па? Сатып жіберіңіз!
21. Кішкентай болып қалған немесе сәннен шыққан сыртқы киім бе? Киім жинау орнына немесе секонд-хэндқа тапсырыңыз
22. Тозып кеткен немесе үнемі қажап жүретін аяқ киім ба? 21-пунктті қараңыз
23. Сізге ешқашан ұнамаған орындықтар, үстелдер мен кресло ма? Мүмкін, таныстарыңыздың біреуіне керек болып қалар
24. Керексіз шкафтар мен төсек үстелдері ма? Көршілеріңіз алып кетсін.
25. Ұзын алаша, кілемдер, кілемшелер және басқа да үй маталары ма? Шаң жинайтын заттарды лақтырып тастаған оңайырақ, олар енді сәнсіз болып табылады.
26. Балконды ретке келтіріңіз, онда демалуға арналған заттар тұруға тиісті
Ақыры, (қиын болса да) төмендегілерді тастаңыз:
27. Оқудан қалған, ескі дәрістерден, жобалардан, курстық жұмыстардан қалған жазбалар (сіздікі немесе сіздің балаларыңыздың)
28. Сіз бір күні салмақ тастаған соң киюге жоспарлаған заттар
29. Сентименталды сезім тудыратын заттар: магниттер, сызбалар, эскиздер, естеліктер
30. Сізден көшіп кеткен және қайта көшіп келмейтін жақындарыңыздың заттары.
