«Иіс эмоцияларға байланысты. Бұл сенің өзіңді көрсету тәсілің, адамдарға сенің кім екеніңді түсіндіріп, нені қалайтыныңды білдіретін тәсіл. Сондықтан хош иіс таңдауда сезімдерің бен көңіл күйіне сүйен.
Егер сен өзіңді нәзік әрі романтикаға толы сезінгің келсе, саған ағаш және гүлді ноталар келеді. Егер сен жарқырарағың келсе, классикалық шипрлық хош иісті байқап көр. Ал егер өз сезімталдылығыңды көрсеткің келсе, татымды, шығыс ноталарына, мускус пен тәтті гүлдерге көңіл бөл».
Винсент Шаллер, парфюмер
«Үйлену тойы – өміріңдегі ең маңызды күндердің бірі болатындықтан, мен өзіңе сенімділікті ұялататын және теріңде ұзақ уақыт тұратын элегант хош иістер таңдауға кеңес бере ем.
Volare Forever хош иісінің жүрегіне мен ақ раушан нотасын салдым, өйткені ол романтикааға тығыз байланысты, үйлену тойынан артық романтика болуы мүмкін бе? Мен бастапқыда осындай әсерге қол жеткізгім келген, өйткені Forever сөзі (ағылшынша – мәңгілікке) бізді осы ерекше күні неке одағымен бекітетін мәңгілік махаббатқа жетелейді. Қалыңдықтың хош иісі оның сұлулығын көрсетіп, шұғыла нұрындай осы айрықша күнді жарқыратуы тиіс».
Камилла Остранд, жұлдызды стилист
«Үйлену тойы күні үшін хош иіс таңдау көйлек таңдаудан кем түспейтін маңызды сәт. Хош иіс таңдауда екі тәсіл бар. Оның бірі сені тұлға ретінде жақсы танытатын өзіңнің «фирмалық» хош иісіңді таңдауда болып табылады. Ол саған қауіпсіздік пен өзіңе сенімділік сезімін береді.
Енді бір тәсіл – сен үйлену тойы күнінде ғана емес, осы маңызды оқиғаның бір жылдық мерейтойында да себетін хош иісті таңдау. Сен үшін тек осы күнге байланысты болатын және оны жадыңда қайта-қайта жаңғыртып тұратын хош иіс. Өзіңнің болашақ жұбайыңмен осындай хош иісті іздеуге жөнел –мұның сендерді қалай жақындататынын көресің».
Хамиш Шепард, Bride Book сервисінің негізін қалаушы
«Арнайы дәл сенің тойыңа хош иіс таңдауға болмай ма? Осы күннің негізгі тақырыбымен, сенің үйлену тойыңның жалпы стилімен, осы маңызды оқиға өтетін жыл мезгілімен үйлесетін хош иіс.
Амбра және шоколад ноталары бар жылы хош иіс жазғы күн үшін аса ауыр болады, бірақ қысқы тойға тамаша жарайды. Aл жасминді орхидея ноталары бар классикалық хош иіс босаңсыған жағажай стиліне жараса кетеді».
Даниэла Бонарди, қалыңдық
«Үйлену тойы – аса толқытар күн, мен өзімнің әдепкі хош иісімді қолдандым, ол мені тыныштандырып, жайлылық сезімін тудыратын. Менің бар қалыңдықтарға кеңесім: сіз үйренген және тітіркендірмейтін хош иісті таңдаңыз. Үйлену тойы күні кез келген иіс әдеттегіден күштірек әрі қаттырақ сезіледі, сондықтан сізге өзіңіз толық сенімді нәрсе керек болады. Соңынан ол ұзақ жылдар осы тамаша күн туралы еске түсіріп тұратын болады».
