Естелік альбом жасаңыздар
Осыдан он жыл бұрын ғана біз отбасымызбен жиналып, ескі албомдарды ақтарып, бірге өткізген керемет шақтарды еске алушы едік. Ал қазір, сандық дәуірде, кадрлер телефонның жадында қалады да, кейін оны тіпті ұмытып та кетеміз. Ендеше, сол бір ескі дәстүрді жаңғыртатын кез келді. Ең жақсы фотосуреттерді ательеден немесе принтерде басып шығарыңыз да, сосын қатты қағазды альбом алыңыз да, өтіп бара жатқан жылдың күнделігін жасаңыз. Бұл іске отбасы мүшелерінің бәрін араластырыңыз: балалар сурет салсын, қиып алып, жабыстырсын. Беттерін безендіру үшін түрлі декор жарай береді: жапсырмалар, моншақтар, ленталар. Мүмкін серуенге шыққанда жинап, кітап беттерінің арасына салған кептірілген гүл немесе күзгі жапырақтар да табылып қалар?
Әркім суреттерінің қасына есінде қалғандарын жазсын: сол күнді қалай өткізгені, сол бір шаттықтың себебі не болып еді. Содан соң өмірдің келесі кезеңін таза парақтан бастау үшін оның осы тарауын жабыңыз. Және келесісі бұдан да жарқын болсын!
Жаңа жылдық киномарафон өткізіңіз
Күнделікті қарбаласпен жүріп тіпті жай ғана демалып, кино көруіміз де сиректеп кетті. Олай болса, неге нағыз кино көрсетілімін ұйымдастырмасқа! Ең жайлы рождестволық комедиял таңдап алыңыз, жамылғы мен жастықтарды дайындап қойыңыз. Бағдарламаға ең болмағанда бір мультфильм қосыңыз – балалар да бір қуанып қалсын. Сонымен қатар жаңа жылдық тәттілер әзірлеңіз: морс, зімбірлі пірәндік, зефир қосылған какао. Сосын күйген дүние күйіп кетсе де күте тұрсын!
Үйіңізге жайлылық әкеліңіз
Үйдегі интерьерді бір-екі-ақ сағат ішінде күліп-ойнап жүріп, отбасыңызбен бірге және мүлде шығынданбай жаңартып шығуға болады, . Кеңістікті безендіру – жаңа жылдық көңіл-күй қалыптастырудың тамаша тәсілі. Егер сіздің отбасыңызда әлі күнге мұндай дәстүр болмаса, онда соған кез келді. Үй іші болып бәріңіз жақын маңдағы жиһаз дүкеніне бет бұрыңыздар және отбасының әр мүшесі өзіне ұнайтынын таңдасын. Жаңа жастықтар, майшамдар немесе жарық гирляндалары өте арзан тұрады, десе де олар пәтеріңіздің көрінісін кәдімгідей өзгертіп жібере алады. Арнайы мерекелік дастарқан сатып алыңыз. Оны жаңа жылдық отырысқа сақтап қоюға да болады – немесе кешкі асқа төсей беріңіз. Әр күніңіз ерекше болсын!
... бірақ кейде одан да шығып тұрыңыз
Жаңа жылдық мереке күндері үйде отырып қалу оп-оңай. Белсенді болыңыздар! Қалалық мұз айдынына барыңыздар, қар атысып ойнаңыздар, шана тебіңіздер, қысқы спорт түрлерін үйреніп көріңіздер. Жылы жерге тығылып алғыңыз келе ме? Жергілікті мұражайлардың сайттарын қарап шығыңыз: демалыс кезінде кей экспозицияларға тегін кіргізе береді. Тағы бір керемет нұсқа – балаларға арналған қойылымдар немесе шырша.
Басқа елдің дәстүрлері күнін ұйымдастырыңыздар
Егер сіздер осы жаңа жылда мерекелерінде ешқайда бармауды жоспарласаңыз, бұл – саяхаттаудың тамаша тәсілі. Басқа елдің, мысалы Швеция дәстүрінің күнін ұйымдастырыңыздар. Осы елдің түсіндегі киім киіңіздер, фирмалық тағамдарын әзірлеңіздер, жергілікті орындаушылардың музыкасын тыңдаңыздар. Сол елдің тарихын көбірек зерттеңіз, олардың дәстүрлерін біліңіз немесе жасап көріңіз, дәл сол елде орын алған фильм көріңіздер. Есесіне басқа мәдениетке қанығуға мүмкіндік аласыздар.
SPA -рәсімнен ләззат алыңыздар
Жұмыс күндері өзіміздің сүйікті бьюти рәсімімізге әрең уақыт табамыз – ал мерекелік демалыстарда ешқайда асықпаудың өзі бір ғанибет. Жылы хош иісті көбік ваннасы, сүйікті бет маскасы – кейінге қалдырғаныңыздардың бәрін жасаңыз. Су процедураларынан кейін жылтыраған бөліктерден тұратын денеге арналған май жағыңыз: жарқырасақ, жарқырайық! Ал отбасыңыздың кішкентай мүшелеріне өздерінің сүйікті кейіпкерлерінің суреті бар сабын мен ванна көбігі ұнап қалар.
