Сенің хош иісіңнің құдіреті

Elvie Firefly хош иісін шығарған парфюмерші Эва Видумен әңгімелескен бес минутта ертегі кейіпкерлері мекендейтін тылсым скандинавия орманымен серуендеп өткендей болдық.

Түнжарымындағы раушан нотасын жаңа Орифлэйм Elvie Firefly хош иісінде өз жүрегіңізге орналастыру идеясы сізге қалай келді?

Elvie Firefly – бұл жылы және жұмбақ кешкі хош иіс, және оны түнжарымындағы раушан нотасының айналасында шығару ойы өте қонымды, өйткені бұл гүл тек түнде ғана ашылады. Мен бұл хош иісті шығарумен жұмыс істеген кезде, күн ұясына кіргеннен кейін әдемілігі көрінетін гүлдің бейнесі мені шабыттандырды, сосын мен хош иісте оның тылсымдығы, оның құпия сыры сақталғанын қаладым. Elvie Firefly – айқын, алайда адам сенбестей нәзік иістің сиқырлы күші бар деп айтар едім.  Мені шабыттандырған тағы бір нәрсе – сирек кездесетін әрі таңғажайып гүл өсетін ормандары эльфтер мен басқа да қиял-ғажайып кейіпкерлерге толы швед ертегілері болды.

Бұл хош иісте тағы да қандай ноталар бар?

Бұл көптеген ингредиенттер кіретін гүлді, сүректі және жеміс-жидекті хош иіс, бірақ мен үш негізгі белгіні атап айтқым келеді: өзіміз білетін түн жарымындағы раушан, сүрекке және топыраққа тән хош иіс беретін балқарағай нотасы, сонымен қатар теңіз аккорды.

Швед ертегілерінің батыр кейіпкерлері сізге қалай көмектесті?

Elvie хош иісінің алғашқы нұсқасы 2004 жылы жасалды – мен ол кезде швед фольклорының бай әлемімен, эльфтер мен басқа да қиял-ғажайып кейіпкерлер мекендейтін таңғажайып ормандарының бейнесімен шабыттанған болатынмын. Elvie  брендімен шығарылған әрбір жаңа хош иісте бұл тақырып әрі қарай дамып отыратын. Elvie Firefly-те жұмбақ дүниелер және сиқырға толы таңғажайып түнгі әлемді жаңадан шығаруға шешім жасадық.

Сізде грек ұлтының қаны бар ма, осыған орай сұрақ: сіз өзіңіздің шығармашылығыңызда грек мәдениеті мен мифологиясының бай мұрасын пайдаланасыз ба?

Мен Көне Грецияның мифтерімен және аңыздарымен өстім – Құдай және батырлар туралы аңыз әңгімелер мені таңдандыратын, бірақ Elvie Firefly-мен жұмыс жасаған кезде мен солтүстік Еуропа елдерінің мифологиясына бойладым. Афина қалқанының даусын тыңдау үшін, мен көлдерің нәзік шалпылы мен таңғажайып эльфтер мекендеген шағын тоғайдың сырлы сыбдырына құлақ түрдім.

Сіз сиқырға сенесіз бе?

Сөзсіз сенемін!

-----------------------------------------------------------------------------------------------------------------

ПАРФЮМЕРИЯ МАЭСТРОСЫНАН 3 КЕҢЕС

1. Хош иісті өзіңе жаққан кезде, оны теріңе үш реттен артық сеппе (оңтайлысы – екі рет).

2. Хош иісті білекке, тізенің ішкі жағына және құлақтың артына жақ.

3. Хош иісті салқын құрғақ үй-жайда күн сәулесінен алыстау жерде сақта.

 

 

 







Мәтін: